Белењето на забите е популарно со години, но и прилично голем финансиски удар. Пробајте ги овие природни методи за избелување и заштедете многу пари.
Сите ја сакаат таа светла холивудска насмевка. Наместо да трошите многу пари, ве советуваме да ги испробате овие природни алтернативи за избелување на забите.
Јадете што е можно повеќе намирници кои придонесуваат за природна белина на вашите заби
Верувале или не, честото консумирање одредени намирници може да ви помогне да ги избелите забите. Целерот, јаболката, крушите и морковите го чистат забниот камен од површината на забот и делуваат превентивно против неговото таложење, па затоа треба да ги јадете што почесто. Се разбира, треба да се консумираат природни, не варени, печени, пржени или било како обработени.
Ако навистина не морате, не консумирајте работи кои само ги влошуваат работите. Секако, нема секогаш да им кажете не, но доколку сакате да ги избелите забите, добро е да знаете што треба да избегнувате.
Цигарите, црвеното вино, кафето и чаевите се само дел од многуте напаѓачи на светлата насмевка, па доколку не сте особено љубители на нив, би можеле да почнете да ги избегнувате.
Од време на време чистете ги забите со мешавина од сода бикарбона и свежо цеден лимон.
Иако најчесто се користи во кујната, содата бикарбона може да послужи и како одличен сојузник во борбата за што побели заби. Сè што треба да направите е да ги миете забите со сода бикарбона повремено, и тоа не почесто од еднаш на секои три недели.
Измешајте сода бикарбона и лимон додека не добиете густа смеса. Потопете ја четката за заби во неа и тријте ги забите околу 1 минута. Потоа исплакнете ги забите и уште еднаш измијте ги со паста за заби.
