На францускиот напаѓач Килјан Мбапе (25) му истекува договорот со ПСЖ на крајот од сезоната, а според Le Parisien, Ливерпул повторно влегол во трка за неговиот потпис, покрај со Реал Мадрид.
Имено, сигурен извор на овој весник тврди дека „Црвените“ од Енфилд имаат дури и предност пред Кралскиот клуб.
Желбата на челниците на Ливерпул е Мбапе да го замени Мохамед Салах, кој според споменатиот извор ќе се пресели во Саудиска Арабија или во САД.
Менаџерот на англискиот клуб, Јирген Клоп, наводно со години го следи Мбапе, а се чини дека агресивната тактика на Реал при реализација на трансферот била контрапродуктивна.
Вчера беше објавено дека Реал испратил официјална понуда до францускиот фудбалер, а како краен рок за донесување одлука ја одредиле средината на јануари.
За потсетување, договорот на Мбапе со ПСЖ истекува на лето, а на 22 натпревари во сите натпреварувања оваа сезона постигна 21 гол со 2 асистенции.
Вредноста на фудбалерот од парискиот клуб е, според Transfermarkt, 180 милиони евра.
