Германската репрезентација во санкање победи на денешната трка во екипна конкуренција и со тоа ја заокружи апсолутната доминација на Зимските олимписки игри во Пекинг.
За Германија настапија олимписките победници во женска (Натали Гајзенбергер) и во машка конкуренција (Јоханес Лудвиг), како и освојувачите на златниот медал во конкуренција на двојки (Тобиас Вендл и Тобиас Арлт).
Сребрениот медал го освои Австрија, а бронзата ѝ припадна на Латвија, која го освои првиот медал на Игрите во Пекинг.
