Кошаркарите на Голден Стејт Вориорс ги совладаат Бостон Селтикс во големото финале и станаа шампиони во НБА лигата.
Голден Стејт направи брејк со резултат од 103 : 90 и титулата ја освои во Бостон. Вориорс ја освоија седмата титула во својата историја (1947, 1956, 1975, 2015, 2017, 2018 и 2022).
Играч на натпреварот беше Стеф Кари кој мечот го заврши со 34 поени, седум скокови и асистенции. Кари повторно го поведе тимот до шампионската титула, како што беше случај во 2015, 2017 и 2018 година.
Кари дногласно беше прогласен за МВП на финалето.
„Толку многу сум горд на нашата екипа. На почетокот на сезоната никој не мислеше дека ќе бидеме тука, освен ние самите“, изјави емотивниот Кари по триумфот.
Тренерот на Вориорс, Стив Кер, исто така испиша историја. Тој беше трикратен шампион со Чикаго Булс (1996-1998) и двапати со Сан Антонио Спарс (1999, 2003), а како тренер со тимот од Калифорнија има четири титули. Му недостига уште една за двоцифрен број на пехари.