Македонската селекција составена од фудбалери претежно од домашниот шампионат, ги започна подготовките за контролниот натпревар против Саудиска Арабија на 22 октомври во Абу Даби.
Денешниот прв тренинг на тренинг центарот „Петар Милошевски“ го одработија сите повикани фудбалери со исклучок на Дарко Велковски. Нашиот интернационалец во Абу Даби ќе му се приклучи на тимот бидејќи на клупско ниво настапува во Саудиска Арабија.
Еден од најискусните во овој состав е секако повратникот Бесарт Ибраими. Сезопнава е голгетер на лидерот Струга. Вели дека секогаш е убаво чувството кога се настапува во дресот на македонската репрезентација.
„Убаво е чувството повторно да се биде во дресот на репрезентацијата. Сите што сме овде треба максимално одговорно да ја сфатиме нашата задача и да се обидеме да направиме позитивен резултат против Саудиска Арабија“, вели тој, пренесува ФФМ.
„Нѐ очекува силен предизвик. Противникот се подготвува за настап на Светското првенство и веројатно ќе бидат мотивирани за победа и зголемување на самодовребата пред почетокот на Мундијалот. Наше е да го покажеме квалитетот, да ја оправдаме довербата на селекторот и да потврдиме дека и во нашата лига има фудбалери со репрезентатитевен потенцијал“, изјави Ибраими.