Ако ви е досадно, заиграјте ја скриената игрица во апликацијата Instagram.
Instagram редовно добива нови функции и можности, а веројатно сè уште не сте слушнале за најновата. Тоа е скриена игрица во самата апликација до која може да се пристапи само додека разговарате со пријателите.
Ако сакате да ја убиете досадата додека чекате некој да ви одговори или додека чекате превоз, подолу ќе ви објасниме како да ја стартувате оваа скриена игрица. Само следете ги овие чекори:
- Отворете ја апликацијата Instagram на вашиот телефон;
- Во горниот десен агол, пристапете до вашето сандаче со пораки;
- Отворете кој било разговор;
- Испратете било кое емоџи (само едно);
- Допрете на испратените емоџи за да ја започнете тајната игрица.
Не мора да бидете пребирливи за емоџите што ги испраќате - игрицата ќе работи со кое било, а она за кој ќе се одлучите ќе функционира како топче.
Станува збор за игрица која неодоливо наликува на поедноставен микс на култни наслови Pong и Arkanoid. Сепак, за разлика од тие две игрици, нема противник и нема блокови кои треба да ги скршите. Едноставно - целта е да ги спречите емоџите да не поминат покрај вас. Колку подолго „пимплате“, толку побрзо ќе биде движењето на емоџите на екранот, а задачата ќе ви биде потешка.
