Instagram воведува нова опција во своите „приказни“ – станува збор за автоматски генерирани преводи.
Мет Наваро, консултант за социјални медиуми, на Twitter сподели видео за оваа нова опција, за да можеме да видиме како ќе изгледа.
Стикерот Captions може да се додаде на Instagram Story и можно е да се смени фонтот, но не и рачно да се нагодува самиот титл, бидејќи тој ќе се генерира автоматски.
Идејата зад оваа опција е да им се олесни на луѓето со оштетен слух да го користат Instagram, но исто така и на корисниците кои зборуваат на различни јазици да им биде полесно да се разберат.
Иако знаеме како ќе изгледа новата опција, сепак не е познато кога ќе биде достапна за корисниците на апликацијата.
