Фудбалерите на Интер се пласираа во финалето на Купот на Италија откако во реваншот како домаќини го совладаа Милан со 3:0.
Првиот меч заврши без голови, што беше доволно за Нероаѕурите да одат понатаму.
Интер феноменално го отвори натпреварот и поведе во 4. минута. Дармијан направи добар напор по десната страна, но Лаутаро Мартинез одлично ја фати топката и погоди за 1:0.
Следуваа напади на Милан, кој пропушти голем број добри шанси, а казната дојде од контра напад во 40. минута. Кореа го ангажираше Лаутаро кој го надигра Маињан за 2:0.
Росонерите напаѓаа и во вториот дел, а поради офсајд голот на Бенасер беше поништен, а конечните 3:0 ги постави резервистот Госенс во 82. минута.
Интер во финалето ќе игра против подобриот од дуелот помеѓу Јувентус и Фиорентина, а Бјанконерите победија со 1:0 на првиот меч во Фиренца.