Тренерот на Интер, Симоне Инѕаги, проговори за серијата на неговиот тим од 403 минути без постигнат гол.
Интер синоќа одигра 0:0 со Милан во првиот натпревар од полуфиналето од Купот на Италија.
„Знам дека кога нема да постигнете гол на четири натпревари по ред, тоа станува бомбастичен наслов. Работиме на подобрување на нашата ефикасност. Имаме талентирани напаѓачи, тие сè уште ја достигнуваат оптималната форма. Толку интензивно настапувавме во ноември, декември и јануари што неминовно паднавме во психолошка дупка. Сè уште ги лечиме раните по загубеното (1:2) дерби со Милан во Серија А пред неполн месец, иако до 75. минута на тој натпревар сè изгледаше поинаку“, изјави Инѕаги.
Шанса да стави крај на црната серија без погодоци, Интер ќе има веќе в петок за кога е закажан мечот со Салернитана од 28. коло во Серија А.
