Откако беше лансиран iPhone 15 Pro, корисниците се жалат на проблеми со прегревање.
Во својата нова објава, познатиот аналитичар и инсајдер Минг-Чи Куо вели дека овие проблеми не се поради чипот A17 Pro од 3 nm, туку поради „компромисите направени во термичкиот систем“.
Чипот A17 Pro што го напојува iPhone 15 Pro е првиот 3nm процесор направен од Apple и TSMC, што доведува до шпекулации дека новата технологија е виновна за проблемите со прегревање.
Сепак, Куо верува дека проблемите се должат на промените што ги воведе Apple за да се приспособи на преминот кон титаниумско куќиште и да ги направи моделите на iPhone 15 Pro полесни од нивните претходници.
„Проблемите со прегревање на серијата iPhone 15 Pro не се поврзани со напредните 3nm чипови на TSMC. Примарната причина се поверојатните компромиси направени во дизајнот на термичкиот систем за да се постигне помала тежина, како што се намалената површина на дисипација на топлина и употребата на титаниумска рамка , што негативно влијае на термичката ефикасност“, пишува Куо на Medium.
Тој предвидува дека Apple ќе може да ги реши овие проблеми преку ажурирања на софтверот, но предупредува дека тогаш перформансите на чипот може да бидат загрозени.
Што мислите за неговото размислување, дали сте имале проблеми со прегревање со овој или претходните модели на iPhone? Пишете ни во коментари.
