Израелските војници користат средновековно оружје за да фрлаат огнени топки преку границата во Либан, додека прекуграничните судири меѓу Израел и проиранскиот Хезболах се интензивираат.
Требушот, опсадно оружје слично на катапулт, ретко се користи од XVI век, јавува американската ТВ мрежа CNN, а израелската армија соопшти дека тоа е локална иницијатива која не прерасна во широка употреба.
Израелскиот јавен сервис Кан известува дека таквото оружје најверојатно ќе се користи за палење грмушки за да им се помогне на израелските сили да ги „идентификуваат екстремистите“ кои се обидуваат да стигнат до границата.
Оваа недела на социјалните мрежи беше објавено видео од „оружјето во акција“. CNN не можеше да процени кога е снимено, но беше геолокацирано на израелско-либанската граница.
И додека имаше извештаи за употреба на катапулти од страна на украинските демонстранти за време на протестите во 2014 година и од сириските бунтовници една година претходно, оружјето е остаток од минато воено време.
CNN известува, повикувајќи се на податоци од енциклопедија Британика, дека последната забележана употреба на требушети била од шпанскиот конквистадор Ернан Кортес против Ацтеките во Мексико во 1521 година.
Требушетите и катапултите се користат сè помалку од пронаоѓањето на барут.
