Никола Јокиќ во пресрет на натпреварот меѓу Денвер и Орландо ја доби наградата за најдобар играч на јануари на Западот, а потоа тоа го демонстрираше на паркетот во втората последователна победа на својот тим.
Нагетс практично водеа цел натпревар и на крајот славеа со 121:111, повторно поради Јокиќ кој беше најдобар на паркетот, што сега му станува навика на секој натпревар. Воедно, секој триумф ги зголемува шансите Нагетс директно да се пласираат во плеј-офот, што драстично би им ја олеснило работата.
Српскиот центар повторно оствари дабл-дабл учинок: имаше 26 поени, 15 скока и 7 асистенции, но рака на срце и 5 загубени топки, додека неговиот удар не одеше како во претходниот период.
Погоди 10 од 26 од игра, што можеби е порака дека и тој е уморен и дека добро ќе му дојде Ол-стар паузата за да ги наполни батериите.
Го следеа Вил Бартон и Џеф Грин со по 17 поени, Брин Форбс додаде 16, додека Хајленд со 14 и Гордон со 10 исто така беа двоцифрени.
На другата страна Вагнер водеше со 26 поени, а го следеше Картер со 25 поени и 12 скока, додека Гери Харис, поранешниот играч на Нагетс, натпреварот го заврши со 15 поени, 3 скока и 6 асистенции. Тој долго време беше омилена мета на Јокиќ, редовно му наоѓаше луди асистенции, а на крајот од натпреварот топло се гушнаа.
Резултати:
Вашингтон Визардс - Детроит Пистонс 103:94
Бруклин Нетс - Сакраменто Кингс 109:85
Њујорк Никс - Оклахома Сити Тандер 123:127 (прод.)
Чикаго Булс - Сан Антонио Спарс 120:109
Миловоки Бакс - Портланд Треил Блејзерс 107:122
Њу Орлеанс Пеликанс - Торонто Репторс 120:90
Денвер Нагетс - Орландо Меџик 121:111
Јута Џез - Хјустон Рокитс 135:101
Лос Анџелес Клиперс - Голден Стејт Вориорс 119:104
Табела:
