Пред 1978 година нашиот Јужен сосед Грција имал две државни знамиња, едно за копно и едно за море. Она кое денес сите го знаеме како државно знаме на Грција всушност било поморско знаме, а статус за единствено државно знаме добило во 1978 година. Соодносот на знамето е 2:3.
Грците за своето знаме имаат две имиња и тоа Η Γαλανόλευκη (и галанолефки) или синобело, и Η Κυανόλευκη (и кјанолефки) или аѕурнобело.
Не се изненадувајте доколку често низ Грција го сретнете копненото знаме од пред 1978, тоа и ден денес е популарно меѓу Грците кои милуваат да го веат или закачуваат на балконите.