Ако сте решени да не ги оценувате апликациите што ги користите, постои начин да ги исклучите барањата.
Без разлика дали користите iPhone или Android, повеќето апликации што ги преземате на вашиот уред ќе побараат од вас да ги оцените во одреден момент. Меѓутоа, проблемот настанува кога таквото однесување ќе стане толку често што ќе ви пречи.
Се разбира, барањето за евалуација не е неразумно. Оценките и прегледите им помагаат на програмерите да ги поправат пропустите во нивните апликации, но им помагаат и на другите корисници кои сакаат да видат како им се допадна на оние кои веќе ја инсталирале.
Ако сте спремни да оставите оцена и рецензија - одлично - сепак, разбираме како тоа може да ве „фрустрира“ кога тоа се случува неколку пати на ден или ја прекинува вашата работа. Меѓутоа, ако одбиете да дадете оценка, голема е веројатноста апликацијата да го побара тоа повторно во одреден момент.
За среќа, во зависност од уредот што го користите, постои начин да ги стопирате овие барања - трајно или привремено. Еве како:
Како да ги запрете барањата за оценување на апликации на телефони со iPhone?
Процесот на запирање на барањата за оценување на уредите со iPhone е многу едноставен и трае само неколку кликања.
- Отворете Settings
- Најдете App Store
- Исклучете го In-App Ratings & Reviews
Како да ги стопирате барањата за оценување на апликации на телефони со Android?
За жал, ќе мораме да ве разочараме - корисниците на Android немаат опција да ги запрат барањата за оценување на апликациите.
Доколку сте сопственик на уред со Android, единствено што треба да направите е да ја оцените апликацијата и еднаш засекогаш да се ослободите од барањето, но и привремено да ја измамите дека сте ја оцениле.
Сè што треба да направите е да го прифатите оценувањето и потоа веднаш да се вратите на апликацијата.
Што се однесува до апликацијата, вие ја завршивте својата работа, но може да побара од вас повторно да ја оцените по ажурирањето.