Фотографии од близнаци покажуваат како пушењето цигари влијае на стареењето на лицето.
Сите знаеме дека пушењето цигари влијае лошо по здравјето, а Американското здружение на пластични хирурзи објави фотографии кои докажуваат дека оваа навика го менува и изгледот на луѓето.
Доколку сте страстен пушач, треба да бидете и свесни за фактот дека вашето лице ќе изгледа постаро. Како последици од цигарите, ќе добиете брчки околу усните и изразени подочници.
„Пушењето цигари го забавува создавањето колаген, лошо влијае на циркулацијата, ја намалува дебелината на кожата и нејзината еластичност. Предизвикува прерано стареење“, објаснува доктор Бахман Гајрон.
Истражувањето кое го докажа ова тврдење е направено во 2013 година и е објавено во Plastic and Reconstructive Surgery.
Обрнете внимание околу пределот на усните и под очите, разликата е повеќе од очигледна.
