Освен што внимавате на бојата на вашата четка за заби кога ја купувате, дали всушност и се грижите за неа?
Без разлика дали станува збор за класична или електрична, ќе признаете дека вашата четка е вреден работник, кој работи напорна работа најмалку двапати на ден. Отстранувањето на парчиња храна, забен камен и бактерии од забите, непцата и јазикот - не е занемарлива работа. Дали е доволно брзото плакнење со ладна вода по миењето на забите? Па не, навистина, ако ги прашате стоматолозите.
Траги од паста за заби, бактерии од устата и оние од вашите раце може да се најдат на фините влакна на вашата четка за заби, а доколку останат во отворено издание доаѓаат во контакт и со микроорганизми кои се движат низ бањата, особено оние непожелните кои живеат во тоалетот. Звучи поразително, но за среќа, со средства кои најверојатно ги имате дома, можете брзо и лесно темелно да ја исчистите вашата четка за заби.
- мала чаша
- хидроген пероксид
- антибактериско средство за плакнење уста на база на алкохол
- таблети за чистење завни протези
Исплакнете ја четката за заби темелно со топла вода. Пред и по секоја употреба на четката за заби, треба да ја ставите под млаз со што е можно потопла вода. Истурете средство за плакнење уста во мала чаша и ставете ја четката со главата свртена надолу. Оставете ја барем 5 минути.
Потоа употребете растворена таблета за чистење на протези и натопете ја четката за заби во неа. По 5 минути исплакнете под млаз ладна вода. Потоа следи чистење со 3% водород пероксид. Потребен ви е свеж водороден пероксид, кој создава мали меурчиња додека ја средува вашата четка. После тоа, повторно поминете ја низ млаз ладна вода и ќе биде подготвена понатамошно миење на забите.
