Ерлинг Холанд, брилијантниот млад напаѓач на Манчестер Сити и на норвешката репрезентација, го потпиша не само најголемиот договор во животот, туку и воопшто во историјата.
Не зборуваме за нов договор со англискиот шампион во кој заработува 426 илјади евра неделно, туку со производителот на спортска опрема Nike.
Хoланд вети дека во следните десет години ќе носи Nike копачки за 22,7 милиони евра годишно. Холанд го избра американскиот производител, сакајќи да тргне по стапките на својот идол Роналд Назарио, но далеку го надмина. Англиските медиуми пишуваат дека ова е најбогатиот спонзорски договор во историјата на фудбалот.
„Со своите голгетерски бројки тој ја одбележа не само сегашноста, туку и иднината на фудбалот. Тој е наследник на најголематаа деветка и напаѓач на новата генерација“, објави Nike за 22-годишниот напаѓач кого Transfermarkt го проценува на 170 милиони евра и кого Сити го доведе минатото лето за 60 милиони евра. Оттогаш Холанд постигна 42 гола на 37 натпревари за Сити. Неговиот вкупен скор во професионалната кариера е 198 гола на 242 настапи.
Холанд сега на голема врата се врати по под покровителство на Nike. Американскиот гигант го спонзорираше уште од неговата 14-та година, но Холанд не го продолжи договорот кој заврши во јануари минатата година. После тоа, тој постигна голови во копачките на Puma (Ultras) и Adidas (X Speedportals), а сега се обврза долгорочно со Nike. Така тој се приклучи на друштвото на Килјан Мбапе, Маркус Рашфорд, Хари Кејн, Кевин Де Брујне и Кристијано Роналдо.