Англиските медиуми направија паралела меѓу сензационалниот норвешки напаѓач Ерлинг Браут Холанд и Ханибал Лектор, ликот кој го толкуваше Ентони Хопкинс во филмот „The Silence of the Lambs“, и тоа поради неговата исхрана.
Холанд го откри својот начин на исхрана и рече дека неговата исхрана не е како онаа на „нормалните луѓе“, а истакна и дека пие само специјално филтрирана вода.
„Вие другите луѓе не го јадете тоа, но јас се грижам за своето тело. Мислам дека јадењето квалитетна храна, која е локална, е најважно. Луѓето велат дека месото е лошо, но какво месо? Она што го купувате во McDonald‘s? Или месо од локално одгледана крава која јадела свежа трева? Јас јадам срца и џигери“, откри Холанд, по што англиските медиуми го споредија со Ханибал Лектор.
Продолжи велејќи дека неговото тело има голема корист од филтрираната вода.
„Почнав и со филтрирање на водата. Мислам дека моето тело има голема корист од тоа. Првата работа што ја правам наутро е да ставам малку сонце на очите и мислам дека тоа е добро за дневниот ритам“, додаде Норвежанецот.
Читајте и: Како Холанд стана Халанд?
Срцето и џигерот, се разбира од животинско потекло, се храна богата со витамин Б, железо, фосфор, бакар и магнезиум.
Неговиот татко Алфи вели дека Ерлинг бил инспириран да се храни здраво откако Патрис Евра му кажал за исхраната на Кристијано Роналдо.
