Црниот дроб е многу важен орган кој влијае на речиси сите функции во нашето тело.
Неговата примарна функција е да ги отстранува токсините и штетните материи од телото, но помага и во земање на хранливи материи од храната, ја филтрира крвта и помага во регулирање на шеќерот во крвта.
Токму затоа е важно да се грижи за неговото здравје, велат лекарите. Како што објаснува регистрираната диететичарка Лорен Манакер за порталот Eat This, постои една храна за која е докажано дека помага да се зачува здравјето на црниот дроб.
Тоа се боровинките. Оваа вкусна бобинка, покрај вкусот, има и придобивки за нашето здравје, пред сè за нашиот црн дроб.
Како што открива Манакер, боровинките имаат најголема концентрација на антоцијанин, природен пигмент кој на овие бобинки им ја дава прекрасната модра нијанса.
Покрај тоа, податоците покажуваат дека антоцијаните можат да го спречат оксидативниот стрес што може да се појави во црниот дроб и да го намалат воспалението.
Манакер забележува и дека не е неопходно да се јадат големи количини боровинки за позитивните ефекти врз здравјето на црниот дроб, всушност тоа не е ниту пожелно.
„Конзумирањето премногу овошје, вклучително и боровинки, може да предизвика нашето тело да добие прекумерни количини на фруктоза, што може негативно да влијае на црниот дроб. Додавање на грст боровинки во смути, јогурт или едноставно јадењето само боровинки може да биде една од најдобрите работи што можеме да ги направиме ако сакаме да го држиме здравјето на црниот дроб под контрола“, додава диететичарката.