За да си го сочуваме здравјето и да се заштитиме од труење, често од фрижидерот фрламе сѐ што и малку ни е сомнително. Меѓу најчестите намирници што ги фрламе се сирењата. Експертите од порталот Tasting Table откриваат кое сирење колку долго може да остане во фрижидер.
1. Пармезанот, чедарот и другите тврди сирења, односно кашкавали, можат да издржат 2 до 4 месеци во фрижидер, доколку се неотворени. Но, по отворањето, доколку правилно се чуваат, можат да траат и до 6 недели. Ако на нив се појавила мувла, само отстранете го тој дел од овие кашкавали бидејќи остатокот може да се јаде, за разлика од, на пример, меките производи каде мувлата се шири и на местата каде што не можете да ја видите. Ако приметите дека се наближува рокот на траење, изрендајте ги и искористете ги за сосови, тестенини, пица и печен зеленчук.
Доколку сакате кашкавалот да го зачувате за некој нареден пат, можете да го замрзнете. Ќе биде добар до 8 месеци, но имајте на ум дека малку ќе го промени својот вкус.
2. Сирењата кои се наоѓаат некаде помеѓу тврди и меки, како на пример гаудата, можат да траат околу 3 недели кога се отворени и 2 месеца ако се неотворени. Најдобриот начин за овие сирења да траат е да ги замотате во мрсна хартија. Ова ќе направи да бидат свежи, за разлика од мотањето во проѕирна фолија која лесно ја задржува влагата која може да се собере помеѓу неа и сирењето, па лесно може да се развие мувла.
3. Меките сирења како фетата, моцарелата, горгонзолата или камемберот мора брзо да се изедат бидејќи во нив може лесно да се развијат опасни бактерии, како што е листерија. Доколку се неотворени, во фрижидер можат да останат до 2 недели. Можете и да ги замрзнете, но некои од нив, како моцарелата, по одмрзнувањето ќе ја загубат структурата.