Ѓумбирот е една од најлековитите намирници што се користи за лекување низа тегоби и нарушувања. Многумина сакаат да уживаат во пиењето чај од ѓумбир, а една од омилените комбинации е чајот од ѓумбир со мед, лимон и лук, за подобрување на имунитетот.
Сепак, треба внимателно да се консумира бидејќи ѓумбирот не им одговара на сите. Постојат луѓе кои не смеат да консумираат ѓумбир, особено оние со одредени здравствени проблеми.
Ѓумбир и лекови за контрола на притисокот
Некои лекови за контрола на нивото на крвниот притисок може да дојдат во интеракција со ѓумбирот. Нивото на притисокот тогаш станува прениско, па може да се наруши и срцевиот ритам. Ако земате лекови за контрола на крвниот притисок, немојте да користите ѓумбир без претходна лекарска консултација.
Ѓумбир и камен во жолчка
Постојат поделени мислења, некои експерти препорачуваат користење ѓумбир за остранување на каменот во жолчка, додека други сметаат дека е подобро целосно да се избегнува. Затоа е важно да разговарате со вашиот доктор пред да почнете со консумација на ѓумбир. Ако ви одобри, внимавајте на количината.
Ѓумбир и лекови против згрутчување
Ѓумбирот ја разредува крвта што значи дека треба да го избегнуваат луѓето кои земаат лекови против згрутчување на крвта или имаат нарушувања при крвавење.
Ѓумбир и лекови за контрола на дијабетес
Ѓумбирот може да го намали нивото на шеќер во крвта и е добар за дијабетичари кои го контролираат нивото на шеќер исклучиво преку исхраната. Но, во комбинација со лекови ѓумбирот може премногу да го намали нивото на шеќер и да го зголеми ризикот од хипогликемија. Затоа дијабетичарите кои земаат лекови или инсулин можат да користат ѓумбир само по претходно лекарска консултација.
Ѓумбир и бременост
Бремените жени многу често користат ѓумбир за да ги ублажат утринските мачнини, но треба да го користите само по лекарски совет. Досегашните истражувања дадоа различни резултати, загрижувачки е фактот дека ѓумбирот може да го зголеми ризикот од спонтан абортус.