Носењето маски, барем во затворено, се чини ќе ни стане секојдневие.
Маските FFP2 обезбедуваат многу висок степен на заштита од инфекција со коронавирус, под услов да се носат правилно, покажа студијата на Институтот Макс Планк во Гетинген објавена во саботата.
„Доколку едно заразено и незаразено лице се сретнат во затворено и на мало растојание, шансата за пренесување на инфекцијата дури и по 20 минути е само еден промил“, се вели во студијата на Институтот за динамика и организација Макс Планк во Гетинген.
Услов за таков висок степен на заштита е правилното поставување на маската, особено на пределот на горниот дел од носот кој мора да биде цврсто прицврстен, се вели во студијата објавена во американското научно списание Proceedings на Американската академија за Науки (PNAS).
Неправилната положба на маската го зголемува ризикот од инфекција до четири проценти.
За време на експериментите, научниците тестирале различни аспекти како што се големината на капките, динамиката на дишење, како и различни форми на заштитна маска.
„Шансите за инфекција во реалниот живот се десет до сто пати помали, но ние ги создадовме најнеповолните услови кога станува збор за заштита“, рече Макс Планк, директор на Институтот и еден од водачите на студијата, Еберхард Боденшац.
Спротивно на тоа, средбата со две лица кои не носат маски, од кои едното е заразено, најверојатно ќе заврши со инфекција на здравото лице.
„Во овој случај, најверојатно ќе биде заразено здравото лице кое стои на растојание од три метри од заразеното лице и го вдишува воздухот на заразеното лице неколку минути“, рече Боденшац.
Затоа тој верува дека носењето маски е сепак многу добра алатка за спречување на ширењето на коронавирусот.
