Деја Кулушевски ги сподели своите први впечатоци од играњето на Островот и воедно направи мала споредба на фудбалот кој се игра таму со оној во Калчото.
Шведскиот репрезентативец со македонско потекло се пресели во Северен Лондон на 18-месечна позајмица за која Тотенхем на Јувентус ќе му исплати 10 милиони евра, а потоа доколку се реши да го откупи во 2023 година ќе искешира уште 35.
Тој во 2020 дојде во Јуве за 44 милиони евра од Аталанта, имаше солидна прва сезона кај Андреа Пирло, но потоа кубуреше со минутажа кај Масимилиано Алегри. Што се случи?
„Искрено, не знам. Понекогаш тоа се случува во фудбалот. Не најдов доволно простор и не можев да го постигнам она кое го имам во себе“, вели Дејан говорејчи за Sky Sport Italia.
„Животот продолжува. Доживеав многу убави моменти, особено минатата сезона. Имав добар крај на сезоната со освојувањето на Копа Италија против Аталанта“.
„Сега сум играч на Тотенхем и сум среќен. Овде како да играат друг спорт, многу побрза игра, поголем интензитет, повеќе шутеви и физичка игра. Овде фаулите практично како да не постојат“, рече тој за споредбата меѓу двете лиги.
Можеби малку избрзан заклучок на Дејан со оглед на тоа што по пристигнувањето во Тотенхем одигра само два натпревара и тоа по еден во Премиер лигата и ФА купот.