Францускиот новинар Ромен Молина ја откри причината зошто Килјан Мбапе им е лут на челниците на ПСЖ, а тоа се трите ветени трансфери во текот на летниот преоден рок, од кои ниту еден не се случи.
Тој тврди дека челниците на ПСЖ му ветиле на Мбапе дека следната сезона тимот ќе биде посилен со тројца играчи: Роберт Левандовски, Милан Шкриниар и Бернарду Силва, но никој од нив не дошол и тоа е причината поради која Мбапе е разочаран од нивните ветувања.
Мбапе, наводно, сака да го напушти ПСЖ во јануарскиот преоден рок и кариерата да ја продолжи во друг клуб, а во последните денови добива многу критики за неговото однесување, поради што многу познати фудбалери го критикуваа дека се однесува „како дете“.
Мбапе досега одигра 229 натпревари за ПСЖ и постигна 182 гола, што го прави вториот најдобар стрелец во историјата на клубот, зад Уругваецот Единсон Кавани.
Мбапе веќе сакаше да го напушти ПСЖ летоска бидејќи Нејмар автоматски ја активираше клаузулата во договорот и ја продолжи соработката со францускиот шампион до 2027 година.
На крајот, Мбапе сепак го продолжи договорот со парижаните, а за да остане во францускиот клуб беа мобилизирани сите национални ресурси, вклучително и претседателот на Франција, Емануел Макрон.
