Обединетото Кралство и Ирска ќе го организираат Европското првенство во 2028 година. Турците се откажаа со намера да се фокусираат на домаќинството на ЕУРО четири подоцна. Поради тоа, УЕФА наскоро и официјално ќе им додели на Англија, Шкотска, Велс, Северна Ирска и Ирска домаќинство на континенталниот собир кој ќе се игра за пет години.
ЕУРО 2028 ќе се игра на десет стадиони ширум Британските Острови, односно Велика Британија и Ирска. Еден стадион е во изградба и тоа оној на Евертон во Ливерпул, кој треба да биде подготвен за следната сезона. Допрва треба да започне изградбата на стадионот во Белфаст, главниот град на Северна Ирска.
Поточно, стадионот на кој ќе се играат натпревари од ЕУРО 2028 е изграден, но постоечкиот објект ќе биде урнат и Белфаст ќе добие сосема нов стадион. Станува збор за „Кејсмент Парк“, стадионот на кој некогаш се играше ирски фудбал, но кој е напуштен веќе десет години. Моментално е обраснат во трева и е во трошна состојба.
На местото на сегашните урнатини ќе се гради нов стадион кој ќе може да прими 34.500 гледачи. Жителите на Западен Белфаст, делот од градот во кој се наоѓа „Кејсмент Парк“, се обиделе да ја спречат изградбата на новиот стадион, сметајќи дека тоа негативно ќе се одрази на нивните животи, но не успеале.
Стадиони кои ќе бидат домаќини на ЕУРО 2028:
„Вембли“ - Лондон, Англија
„Принсипалити“ - Кардиф, Велс
„Хампден Парк“ - Глазгов, Шкотска
„Тотенхем Хотспар“ - Лондон, Англија
„Итихад“ - Манчестер, Англија
„Евертон“ - Ливерпул, Англија
„Сент Џејмс Парк“ - Њукасл, Англија
„Вила Парк“ - Бирмингем, Англија
„Авива“ - Даблин, Ирска
„Кејсмент Парк“ - Белфаст, Северна Ирска
