Научниците на островите Галапагос пронајдоа вид на желка кој се сметаше дека изумрел пред 100 години.
Еквадорското министерство за природна околина и вода синоќа објави видео од островот Фернандина на кое се гледа вид на желка за кој научниците веруваа дека е изумрен пред цели 100 години.
Желката, сега наречена Фернанда, е од видот Chelonoidis phantasticus.
Островот Фернандина е дел од архипелагот Галапагос кој му припаѓа на Еквадор. Тоа е трет по големина во архипелагот.
За постоењето на Chelonoidis phantasticus надежите пораснаа кога две експедиции, едната во 2009, а другата во 2019 година, пријавија дека забележале жив примерок. Сега е дефинитивно потврдено дека овој вид на желки е сѐ уште жив на Галапагос.
