Кон средината на 60-тите години на минатиот век, Америка обожавала делфини. Постојат повеќе примери за тоа, но најочигледен е тв-серијалот Flipper во кој главна ѕвезда е токму делфин.
Истовремено, далеку од светлата на Холивуд, Централната известувачка агенција (ЦИА) во тајност го развивала проектот OXYGAS.
Дури во 2019 година ЦИА објави дел од топ секрет документацијата за експериментите со делфини, тренирани да уништуваат непријателски бродови, пишува Popular Mechanics.
OXYGAS стартувал со два диви делфини што покажува и објавената документација. Планот бил тивко да се инфилтрираат во непријателски пристаништа и заливи, да остават експлозивни направи покрај означените бродови. Сочувана е и илустрација која ја прикажува технологијата,ж.
ЦИА била импресионирана со развојот на програмата па се размислувало за нови задачи како извидување, електронски мониторинг, па дури и поставување сензори за откривање биолошко и нуклеарно оружје.
Иако експериментот напредувал, ЦИА наишла на нерешлив проблем, дивите животни биле непредвидливи. Кон почетокот на 1964 година било јасно дека постојат многу ограничувања, како и тоа дека делфините се зближуваат со тренерите и би можеле да ги игнорираат непознатите лица во текот на мисијата.
Три години подоцна почнала да слабее поддршката, идејата била финансирањето да го преземе АРПА (првиот облик на Агенцијата за развој на нови технологии (ДАРПА). ЦИА се повлече во 1970 година.
Од друга страна, американската морнарица продолжи со истражувањето и почна да ги користи делфините за откривање подводни бомби. Оваа програма постои до денешен ден.
