Најновата студија, чии резултати се објавени во списанието Royal Society Open Science, покажа дека маските за лице за 99,9 проценти го намалуваат ризикот од ширење на големите капки поврзани со опасноста од ширењето на коронавирусот, додека човекот зборува или кашла.
„Нема никакви сомнежи дека маските за лице можат значително да ја намалат дисперзијата на капки кои се потенцијални носители на вирусот“, вели Игнацио Марија Виола од Универзитетот во Единбург.
Авторите на студијата велат дека капките се исфрлаат како проектили кога се зборува или кашла, а потоа поради гравитацијата паѓаат доле. Малите капки кои ги сочинуваат аеросолите, можат да останат во воздух подолг период и претставуваат ризик особено во затворен простор, слабо проветрени простории, без струење на воздухот, но и кога луѓето не носат маски или ги носат на погрешен начин, под носот.
Универзалното носење маски би го намалил бројот на мртви во светот за 40.000 до 1 април, објави Институтот за здравствена метрика и процена од Сиетл, Вашингтон.
Центарот за контрола и превенција на болести од Вашингтон објасни дека маските не ги блокираат ефикасно само поголемите капки, туку можат да ги блокираат и малите капки и честички кои ги опишуваме како аеросоли, пренесе AFP.
Вирусот SARS-CoV-2 има пречник од околу 0,1 микрони.
