Навивачите на Барселона на социјалните мрежи го нарекоа Лионел Меси како предавник и платеник, откако лајкнал објава на Instagram од соиграчот Лаутаро Мартинес.
Мартинес постигна гол за Интер против Барселона во фантастична партија на Ноу Камп (3:3) по што „нероаѕурите“ беа блиску до напредок.
На Италијанците им треба само победа против Плзен за да ја минат групата, бидејќи имаат подобар учинок од Барса, без разлика на резултатите во последните две кола.
По натпреварот, Лаутаро објави фотографија на која се гледа како играчите на Интер слават гол, а на изненадување на сите, објавата му се допадна и на најдобриот фудбалер на Барселона на сите времиња, Лионел Меси.
Ова го предизвика гневот на симпатизерите на Барселона на кои не им е јасно како, без разлика на пријателството со Лаутаро, може да лајкне фотографија на која практично се гледа испаѓањето на каталонскиот клуб од Лигата на шампионите.
Следеа бројни негативни коментари од навивачите на Блауграна, а некои дури напишаа дека Меси е бесрамен предавник.
„Уште еден доказ дека Меси не жали за Барселона, клубот кој го направи тоа што е денес, а подоцна го уништи клубот и побегна. Тој е бесрамен предавник.“
„Овој тип беше платеник“.
„Срамота. Не го враќајте на Ноу Камп“.
„Хормоналното џуџе нè мрази“, се само дел од погрдните коментари.
Меси најголемиот дел од својата блескава кариера го помина во Барселона, постигнувајќи 672 гола на 778 натпревари. Неговиот договор со ПСЖ истекува следното лето, што ги поттикна шпекулациите за можно враќање во Барселона.
