На Hulu доаѓа нова хит серија за животот на Кенди Монтгомери која ја уби својата пријателка со секира, а во главната улога е една од најубавите холивудски актерки.
Џесика Бил ќе ја отелотвори Монтгомери, а новите фотографии од сетот покажуваат колку убавата актерка е трансформирана за оваа улога.
Серијата е насловена „Candy“ и е заснована на вистинска приказна за домаќинка која ја убила својата пријателка Бети Гор во 1980 година.
На фотографиите кои ги објави E!News, Џесика е фотографирана во син комбинезон, со големи наочари и перика. Интересно е тоа што ѕвездата од „Maid's Tale“ Елизабет Мос првично требаше да ја игра Кенди, но во октомври беше објавено дека таа мора да се откаже од улогата поради преполн распоред.
Кенди живееше во Тексас и беше во брак со Пат Монтгомери, електроинженер во Texas Instruments. Ја запознала Бети во Методистичката црква во Лукас. Станале блиски пријатели, но нивното пријателство се претворило во ривалство кога било откриено дека Кенди имала љубовна врска со сопругот на Бети, Алан.
Кавгата меѓу двете жени станала насилна, а Кенди на крајот ја убила Бети со секира.
Но, на судењето поротата ја прогласи за невина бидејќи било констатирано дека убиството се случило во самоодбрана.
Кенди, наводно, сè уште живее и работи во Тексас.
