Огромна дамка се појави на Сонцето, голема колку четири Земји.
Како што информираат од Хрватското астрономско друштво, ова е време на поголема активност на Сонцето, а тогаш на површината се појавуваат дамки. Не се работи за нешто што претходно не се знаело или за нешто чудно.
„Последниве неколку дена нашата ѕвезда, Сонцето, беше многу активна со рекорден број дамки, но и дамка со големина на четири Земји, која е на граница на видливост со голо око“, пишува Хрватското астрономско друштво.
„Имено, Сонцето има циклус на активност од единаесет години, а следната максимална активност треба да се случи во 2025 година, по што Сонцето би требало повторно да се ‘смири’“.
Сончевите дамки и нивниот број се директен показател за сончевата активност, колку повеќе дамки, толку е поголема активноста. Сончевите дамки се поладни места на површината на Сонцето, која ја нарекуваме фотосфера. Фотосферата има температура од околу 5.000 °C, додека дамките се места со температура од околу 3.500 °C“, стои во објавата.
„Дамките на Сонцето се места каде што еруптира магнетното поле или магнетната сила на сончевото магнетно поле, кое во годините на висока активност ‘здивува’. Треба да се каже дека во следните две до три години треба да бидеме малку повнимателни околу изложувањето на сонце“, велат од Хрватското астрономско друштво и додаваат:
„Во никој случај не гледајте во Сонцето без посебни филтри за таа намена, бидејќи може трајно да го оштетите видот или трајно да го изгубите видот.“
