Тренерот на Манчестер Сити долго го чекаше трофејот во Лигата на шампионите со овој клуб, а конечно го освои победувајќи го Интер во финалето во јуни. Бидејќи „Граѓаните“ претходно ја освоија титулата во Премиер лигата и го кренаа трофејот од ФА купот, Каталонецот влезе во реткото друштво на тренери кои сезоната ја завршиле со тројна круна, популарната триплета.
Тимот остана моќен, но тоа не значи дека ќе може да повтори ваков несекојдневен успех. Ниту самиот Хузеп Гуардиола не е оптимист за повторување на тоа сценарио.
„Невозможно е да се направи она што го направивме минатата сезона. Тоа е еднаш во животот, им реков на играчите да заборават, се искачивме на највисоката планина, но сега се симнуваме од планината и почнуваме оттаму со сите со иста намера“, изјави Пеп на синоќешната прес-конференција во пресрет на денешниот старт на Премиер лигата.
Се разбира, тоа не носи со себе недостаток на амбиција, токму спротивното. Тоа се зборови на стратегот на Манчестер Сити.
„Ќе биде тешко да се искачиме што е можно повисоко и ќе видиме како нашиот фудбал, нашето однесување, нашиот менталитет диктираат каква ќе биде сезоната. Фудбалот и спортот, тоа што го направивме ќе остане во нашите срца и умови, но готово е... Секоја сезона повторно почнуваме од нула, но нашата историја зборува сама за себе. Речиси е невозможно да се повтори, свесни сме, но знаеме колку беше тешко и ќе се обидеме да направиме добар настап против Барнли, а потоа Њукасл па Шефилд Јунајтед и натпревар по натпревар“, изјави Пеп.
Шампионот на англиската премиерата во Премиер лига во сезоната 2023/2024 ќе ја има против Барнли на гоисти вечерва (21:00 ч.). Пред неколку дена беше поразен од вицешампионот Арсенал во Комјунити Шилд.
