Apple неодамна воведе нова серија iPhone 12 модели, а корисниците веќе се жалат дека има одредени проблеми со нивните уреди.
Имено, на социјалната мрежа Twitter кружат видеа и фотографии од корисници кои тврдат дека екраните на моделите iPhone 12 „позеленуваат“, што го попречува нормалното функционирање, пренесува GizChina.
Според DxOMark, веб-портал кој се занимава со „независно тестирање на телефони, леќи и камери“, има голем проблем со серијата iPhone 12 кога станува збор за обработка на жолтата боја, односно се случува да се појават разни варијации на жолто, без разлика под какво осветлување и агол го гледате дисплејот.
Јужнокорејскиот медиум Asian Economy известува дека од Apple им било кажано дека „имаат неколку пријавени случаи, кои во моментов се под истрага“.
Покрај овој проблем, некои корисници пријавија проблеми со iPhone 12 Mini. Наводно, екранот не реагира кога ќе се обидете да го отклучите телефонот или да ја вклучите батериската ламба (torch).
