Ако верувате во астрологијата, сигурно сте слушнале за овој астролошки феномен. Новиот ретрограден Меркур почнува од 30 мај во знакот Близнаци и ќе трае до 23 јуни.
Во оние области со кои управува Меркур, ова влијание може да донесе одложувања, ненамерни грешки, разни пропусти, па затоа бидете внимателни.
Меркур ги симболизира сообраќајот, комуникациите, технологијата, трговијата, администрацијата, документите.
Ретроградниот Меркур најчесто се случува три до четири пати годишно и најчесто трае околу месец дена.
Астролозите во овој период ве советуваат да бидете внимателни со мобилните телефони, сметките, таблетите: направете копија од вашите податоци на телефон и проверувајте по двапати дали ги испраќате мејловите на точната адреса. И, што е најважно – размислете пред да кажете нешто.
Според астролозите, што не треба да правите до 23 јуни?
Не го менувајте работното место
Без оглед на тоа дали сте претприемач или сте добиле нова работа, обидете се да тргнете на работа пред 30 мај или по 23 јуни. Има големи шанси да не ви се допадне новата работа и ќе бидете незадоволни.
Не патувајте
За време на ретроградниот Меркур најдобро е да ги заборавите патувањата бидејќи ќе се соочите со гужви во сообраќајот, проблеми со автомобилот и доцнење.
Не потпишувајте нови договори
Во овој период избегнувајте да потпишете некакви документи, а во никој случај не земајте кредит. Бидете внимателни каде го ставате вашиот потпис бидејќи ќе се покаете за кратко време.
