Секој од нас може да биде под стрес одвреме-навреме.
Доколку навреме не препознаеме дека сме во стресен период и не работиме на тоа, тоа може да има посериозни последици по нашето здравје, предупредуваат лекарите.
Од состојбата на кожата и расположението до квалитетот на сонот, важно е да се забележат првите знаци на високо ниво на стрес за да се избегнат здравствени проблеми.
Докторката Стефани Оои вели дека е важно луѓето навреме да ги препознаат знаците на висок стрес и да добијат помош, не само за емоционална благосостојба, туку и за физичко здравје.
„Прво, стресот не е секогаш негативен. Тоа е всушност многу корисна емоција за нашето тело. За време на периоди на стрес, нашите тела доживуваат реакција на ослободување на хормони, вклучително и адреналин, кои ни помагаат да се справиме со непријатните ситуации на најдобар можен начин. Но, стресот сега е дел од нашето секојдневие и проблемите можат да започнат кога долго време ги доживуваме симптомите на стрес, а честопати и не го сфаќаме тоа“, објаснува докторката.
Според неа, постојат неколку физички симптоми кои можат да укажуваат на тоа дека нивото на стрес во нашето тело е превисоко. Тоа вклучува:
влошување на состојбата на кожата (мозолчиња, акни, црвенило)
замор
дебелеење
дигестивни нарушувања
несоница
прекумерно спиење
послаб имунитет
Истражувањата покажаа дека високото ниво на стрес кај луѓето може да биде тесно поврзано со бројни здравствени проблеми како што се срцеви заболувања, дијабетес, болести на тироидната жлезда, гастритис, болки во грбот, хронични главоболки и вртоглавица.
