Рускиот претседател Владимир Путин денешните ракетни напади на Москва врз бројни украински градови ги опиша како одговор на „терористичките напади“ на руска територија и предупреди дека може да следи уште поостар одговор.
Рускиот претседател Владимир Путин одржа состанок со членовите на Советот за безбедност и рече дека режимот во Киев подолго време користи терористички методи.
„Киев се стави рамноправен со терористичките групи, најодвратните групи. Утринава беше нанесе масивен удар на енергетски објекти, воената команда и комуникациите на Украина. Ако продолжат со терористички напади на наша територија одговорите ќе бидат уште потешки“, изјави Путин.
Утринава почнаа големи ракетни напади на повеќе украински градови меѓу кои и главниот град Киев. Според првите извештаи, има мртви и ранети.
Во сите градови е прогласена тревога од воздушна опасност.