Новиот освојувач на Златната топка недвосмислено порача дека кариерата планира да ја заврши во мадридскиот клуб, негирајќи ги гласините дека ќе се врати онаму каде почна - во Лион.
Во разговор за шпанско радио по синоќешното освојување на најпрестижната индивидуална награда во фудбалскиот свет, Бензема беше прашан дали планира кариерата да ја заврши во Реал Мадрид со оглед на тоа што на 19 декември ќе наполни 35 години.
„Планирам. Не постојат други опции. Ми беше голем сон да потпишам за Реал. Имав само три сонови: на мајка ми да ѝ купам куќа, да играм за Реал и да ја освојам Златната топка“, одговори Французинот од алкжирско потекло кој во Мадрид дојде во 2009 година од редовите на Лион и тоа за трансфер вреден 36 милиони евра.
Неговиот актруелен договор со Реал истекува на крајот од наредната сезона, но се шпеклулира дека веќе има постигнато договор околу продолжување на истиот до 2024 година.
Во секој случај, веројатно нема да има ништо од враќањето во Лион за кариерата да ја заврши онаму каде што и официјално ја почна. Бензема е роден во Лион во семејство на етнички Алжирци, па уште на 10 години се запишал во младинските погони на Лион. Со фудбал почнал на 8 години играјќи за локалниот Брон Терајон и на еден натпревар му дал 2 гола на Лион, по што го привлекол вниманието на гигантот.
