Реал Мадрид ги презентираше резултатите за фискалната 2020/2021 година на која значително влијание имаше пандемијата на коронавирус.
Кралскиот клуб процени дека поради пандемијата од март, 2020 година има изгубено 300 милиони евра. Тогаш е прекинато натпреварувањето во Ла Лига, а се затвори и стадионот Сантијаго Бернабеу. Оттогаш, Реал нема играно на својот стадион.
Вредноста на Реал Мадрид изнесува 534 милиони евра. Во клубот, благодарение на намалувањето на платите и штедењето очекуваат постепено закрепнување од силниот удар зададен од пандемијата.
Реал ја заврши 2019/2020 со профит до 313.000 евра.
Според истражување на УЕФА, вкупната загуба на европските клубови меѓу сезоните 2019/2020 и 2020/2021 ќе биде близу 6 милијарди евра.