Прекинатата сезона во Англија ќе продолжи наскоро, а се планира да заврши со финалето во ФА купот закажан за 8 август.
Англичаните веќе имаат сковано план за што поскоро завршување на оваа сезона 2019/20 која премногу се искомплицира поради пандемијата со коронавирусот.
Планот на ФА е нејзиното најстаро натпреварување, ФА купот, да биде натпреварувањето кое последно ќе заврши со своето финале. Од двата понудени датуми, 5 и 8 август, веројатноста дека финалето на „Вембли“ ќе се игра на осми, е најголема.
ФА купот запре во четвртфиналето каде остануваат да се доиграат уште четирите натпревари и тоа:
Лестер - Челси
Њукасл - Манчестер Сити
Шефилд Јунајтед - Арсенал
Норвич - Мначестер Јунајтед
Планот на Фудбалската асоцијација е сите преостанати натпревари да се играат на еден стадион, односно на познатиот „Вембли“, што би било полесно за контрола на играчите и сите околу нив поради редовните тестирања кои се планираат. Секако, натпреварите би се играле без публика.
