Дванаесетте клубови од најдобрата шкотска фудбалска лига се согласија дека нема услови за продолжување на сезоната и прогласија крај.
По Франција и Белгија, фудбалската сезона 2019/20 дефинитивно нема да се доигра и во Шкотска. Денеска СПФЛ објави дека клубовите се согласиле да не ја реактивираат сезоната и да се насочат кон почеток на новата. За изгледот на конечната табела клубовите се рангирани според просекот на освоени бодови поделени со бројот на одиграни натпревари.
Шампион е првопласираниот Селтик, кој ќе игра и во квалификациите од Лигата на шампионите, додека нов второлигаш е последниот Хартс. Местата во Лига Европа, за која УЕФА дополнително ќе ги официјализира доколку нема некои промени во натпреварувањето, ќе ги пополнат Ренџерс и Мотервел.
Шкотската лига застана на 30. коло од вкупно 38. Најдобар стрелец е Одсон Едуар од Селтик со 22 гола.
