Договорот на Лука Модриќ со Реал Мадрид истекува за три месеци, но клубот во чии легенди се има вброено Хрватот сè ште не му понудил нов.
Во текот на јануари и почетокот на февруари, кога Модриќ беше исцрпен по СП и играше малку полошо, шпанските медиуми често пишуваа дека Реал сериозно се сомнева дали ќе го направи тоа што го правеше во последните години - да му понуди продолжување на договорот за една година.
Модриќ на почетокот на годината играше далеку помалку и многу полошо од вообичаено, но Реал не се огласува ниту сега кога Хрватот брилира.
Друга причина што Шпанците ја наведоа за односот на Реал е тоа што Модриќ во септември, односно на почетокот на следната сезона, ќе наполни 38 години.
Анчелоти и сега го дозира бидејќи на таа возраст лесно се заморува, па оваа сезона одигра само 60 отсто од натпреварите, а за половина година или година сигурно нема да биде во подобра состојба. Но, Модриќ во последните недели се редеше со одлични партии, од кои антологиска е онаа против Ливерпул.
Сепак, Реал сè уште ниту формално, ниту неформално покажува желба да го продолжи договорот на Модриќ, кој во клубот е 11 години, во кои освои сè и одигра 469 натпревари. Новинарот на The Athletic, Марио Кортегана, кој е инсајдер на Реал, за ова пишува:
„Модриќ секогаш е еден од последните кои го напуштаат кампот на Реал во Валдебебас и постојано останува да работи дополнително во теретана.
Сепак, Реал сè уште не ни контактирал со него за нов договор, а уште помалку излегол со понуда.
Клубот смета дека нема смисла да му се нуди среде борба за сите трофеи. Доколку Модриќ не ја добие понудата на Реал, Саудиска Арабија е најверојатната опција тој да ја продолжи кариерата“.