Бразилскиот фудбалски тим застана во одбрана на одлуката да потпише договор со голманот осуден за бруталното убиство на неговата девојка и рече дека потегот е „храбар“.
Боа Еспорте наиде на критики и осуда кога потпиша договор со Бруно Фернандез, поранешен врвен голман кој беше пуштен од затвор минатиот месец.
Тој отслужи седум години од 22-годишната затворска казна откако беше осуден за убиството на неговата поранешна девојка и мајка на неговиот син Елиза Самудио, а потоа ги хранел кучињата со нејзиното тело.
Неколку од спонзорите на Боа Еспорте се повлекоа од соработка со клубот по соопштувањето на договорот, а обожавателите ги преплавија социјалните мрежи со критики и поплаки.
Меѓутоа, претседателот на клубот Рене Мораеш рече дека Боа Еспорте оправдано му дал втора шанса на 32-годишниот голман, покрај фактот дека бил ослободен по прифатената жалба и фактот дека би можел да се врати во затвор во кое било време.
„Мора да им покажеме на луѓето дека тоа што го направи Бруно не беше правилно, но дела тој сепак има право да се врати во општеството“, рече Мораеш пред новинарите.
„Мора да работи нешто, а тоа е фудбалот“, рече тој.
„Јас сум човек кој сака предизвици. Боа не направи ништо погрешно, Боа не е суд, Боа е фудбалски тим. А Бруно знае да игра фудбал.“
