Околу 15 слонови, меѓу кои и три младенчиња, кон половината на април го напуштија резерватот во Сишуангбани, подрачје на границата со Лаос и Мјанмар и тргнаа кон север. Минаа околу 500 километри, а зоолозите не разбираат што ги навело да го напуштат резерватот и да тргнат на далечен пат.
Слоновите вчера беа околу 20 километри од метрополата Кунминг, главен град на провинцијата Јунман, каде живеат неколку милиони луѓе.
На телевизија беа пренесени снимки на кои се гледаат слонови како навечер се движат низ градовите и застануваат да јадат во пченкарните полиња. Властите со помош на дронови го следат нивното движење и внимаваат слоновите да не се приближат премногу блиску до луѓето.
Минатата недела слоновите испразнија цел резервоар со вода, а од почетокот на патувањето уништија околу 56 хектари насади вредни околу 870.000 евра.
Властите се обидуваат да ги намамат со храна и блокирање на патиштата со помош на камиони.
Дивите слонови се заштитени животни во Кина.