Најдобриот играч и стрелец на Наполи оваа сезона, Виктор Осимхен, го напушти теренот во убедливиот пораз на неговиот тим минатиот викенд од Милан (0:4).
На тој натпревар Росонерите ги понижија Наполитанците како никој пред нив оваа сезона. Но и покрај тој неуспех, треба да се случи вистинско чудо Скудетото да не заврши на стадионот Диего Армандо Марадона.
Избраниците на Лучано Спалети суверено ја заземаат првата позиција со 71 бод и имаат дури 16 повеќе од второпласираниот Лацио.
Колку е важен Осимхен во тимот докажува споменатиот натпревар против Милан, против кого Наполи игра во четвртфиналето од Лигата на шампионите.
Брилијантниот Нигериец оваа сезона одигра 29 натпревари во сите натпреварувања и постигна 25 гола.
Сè уште не е познато кога Осимхен ќе се врати на терените, но како што пренесува Sky Sport Italia се очекува в петок да биде познато дали ќе игра против Милан.
Пред тој натпревар имаат гостување кај Лече, по што на 12 април гостуваат на Сан Сиро. Реваншот е закажан шест дена подоцна, на 18 април.