TikTok во моментов е најпопуларната апликација меѓу корисниците.
Глобално истражување за преземени апликации во 2020 година покажа дека TikTok апликацијата за размена на видеозаписи, развиена во Кина, е на врвот на листата на социјални мрежи.
Се наоѓа пред Facebook, WhatsApp, Instagram, Facebook Messenger, Snapchat, Telegram и други. Како што пренесува Asia Nikkei, на почетокот на 2021 година WhatsApp најави дека со Facebook ќе споделат податоци кои се однесуваат на интеракциите меѓу корисниците и компанијата.
Иако WhatsApp вети дека ќе ги штити информациите за комуникацијата, некои корисници преминаа на други апликации.
„Кратките видеозаписи и понатаму ќе привлекуваат внимание“, изјави Чузен Кин маркетинг експерт од App Annie, компанија за истражување на пазарот на апликации. „Што се однесува до содржината, сè повеќе ќе бидат популарни комедиите и музиката“, вели Кин.
