Еден од најпознатите фенг шуи исцелители на негативните енергии во домот се бујните, зелени растенија кои носат не само позитивни вибрации, туку и богатство.
Јапонско дрво, долар дрво, билка од жад, дрво за пари, дрво на среќата... се различните имиња под кои е познато растението Crassula ovata.
Дрвото на пари, или красула, потекнува од областа на Јужна Африка. Името го добило по листовите со овална форма кои наликуваат на паричка.
Ова растение складира вода во месестите лисја, па доволно е да го полевате двапати во текот на целиот студен период. Цвета во текот на зимата, па затоа е потребно да се чува внатре до април, но не на температура помала од 1 степен. Сака светлина, но не директна сончева светлина.
Почвата во која е засадена треба да содржи 40 отсто песок, 20 отсто шумски хумус, 20 отсто цветна почва, а остатокот да биде ситно чакал или скршена тула.
Според фенг шуи, дрвото за пари треба да се држи десно од влезната врата за да ја привлече енергијата на парите.
Дури и ако не верувате во источната мудрост, опкружете се со растенија бидејќи тие шират позитивни вибрации и секако не можат да ви наштетат.