Одењето во кревет без ниту едно парче облека на вас има повеќе придобивки отколку што мислите, веруваат научниците.
Подобар сон
Вашата природна телесна температура природно паѓа додека спиете, вели Кристин Хансен, сертифициран тренер за спиење и член на Националната фондација за спиење. Како што се намалува температурата на телото, така се намалува и нивото на кортизол, а нивото на мелатонин се зголемува.
„Поради тоа сте нервозни кога е премногу топло и не можете да заспиете“, вели Хансен.
Бидејќи носењето пижами може да го наруши природното ладење на вашето тело, може да го нарушите и квалитетот на вашиот сон.
Зголемена самодоверба
Истражувањата овде се ограничени, но Хансен верува дека можете да станете поопуштени и посигурни за вашето тело ако спиете голи.
„Се работи за отфрлање на социјалната норма која вели дека голотијата е лоша или нешто што не треба да го правите“, вели таа.
Подобар сексуален живот
Контактот кожа на кожа ослободува ендорфини како окситоцин (исто така познат како хормон за прегратка или хемикалија за гушкање), што ве става во расположение за водење љубов. Истражувањата на оваа тема се ограничени, но да се биде гол е дефинитивно посекси отколку да се носи стара маица или пижами, вели Хансен.
„Мислам дека тоа дефинитивно може да го промени вашиот сексуален живот“, рече таа.
Здравствени придобивки за жените
Спиењето во долна облека, особено тесна долна облека направена од синтетички ткаенини, може да доведе до раст на габи и инфекција, според студијата објавена во European Journal of Obstetrics & Gynecology and Reproductive Biology.
Доколку спиете голи, ѝ помагате на вашата вагина да се проветри, а исто така ја намалува можноста за размножување на бактерии во таа област.
Придобивки и за мажите
Урологот д-р Брајан Стајкснер истакнува дека спиењето во долна облека ја зголемува веројатноста за триење, иритација или бактериски инфекции во интимната зона на мажот.
Можете да изгубите тежина
Вашето тело има два вида маснотии, бела и кафеава. Белата маст не прави многу, но кафеавите масти создаваат топлина и можат да ви помогнат да согорите калории додека спиете.
Студија од 2014 година, објавена во списанието Diabetes, следела пет мажи кои спиеле во соба контролирана со клима, поставена на различни температури четири месеци. Истражувачите откриле дека при пониски температури, количината на кафеава маст речиси двојно се зголемува. Благодарение на овој ефект, пониските температури можат да го забрзаат согорувањето на калориите за 30 проценти.
Подобра состојба на кожата
Особено ако имате навистина добар душек, вели Хансен. Квалитетниот душек кој не е полн со вештачки материјали ќе овозможи подобра циркулација, што и овозможува на вашата кожа да дише. Ова за возврат ѝ помага на кожата да се регенерира (нивото на производство на колаген се зголемува ноќе додека спиете) во текот на ноќта, според The Healthy.