Можно е да се намали внесувањето пестициди ако го лупите овошјето кое сакате да го јадете. Но, така нема да внесете важни состојки, особено ако се работи за јаболка, пишува Furthermore.
„Кората на јаболкото содржи 90% од постоечките пестициди, но исто така и 50% од хранливите материи“, вели Џо Робинсон, авторка на книгата „Eating on the Wild Side“.
Таа препорачува купување јаболка од органско производство и јадење без лупење. Ако тоа не е можно, тогаш може да го измиете овошјето во сода бикарбона. Според истражување објавено во Journal of Agricultural and Food Chemistry, потопувањето на јаболката во вода и сода бикарбона на 12 до 15 минути може да отстрани 80% од фунгицидите кои можат да продрат низ кората.
Мешавината исто така отстранува 96% од пестицидите. Миењето со обична вода од чешма не е толку ефикасно.
Изгледа дека содата бикарбона ги разградува молекулите на пестицидите и така помага во чистење на овошките. Идеалниот размер за чистење се две чаши вода и една кафена лажичка сода бикарбона.
Освен јаболка, кората од лубеница исто така е здрава. Содржи аминокиселина цитрулин која го подобрува внесувањето кислород во текот на вежбање. За да ја намалите горчината на кората, јадете ја во комбинација со сок од лимета, сол, оцет, шеќер или некој зачин.
Исто така, може да пробате и лимонска сол, односно мешавина на кора од лимон со прстофат сол за да зачините риба и месо. Аромата на оваа кора може да ви го подобри расположението.