Јасно е дека сме опседнати со протеини. Речиси сите намирници, од пудинг до јогурт, добија дополнителна доза од оваа хранлива материја.
Протеините го поддржуваат растот на мускулите, нè заситуваат и ни помагаат да изгубиме тежина. Општата препорака е да се консумираат 0,8 грама протеини по килограм телесна тежина, но тоа зависи од полот, возраста, тежината, начинот на живот и нашите цели. Вишокот со овој макронутриент може да има сериозни последици за нашата половина и здравје. Прочитајте во продолжение кои се тие.
Ќе бидете жедни
Азотот се јавува како производ на разградувањето на протеините. Големи количества азот се отровни и можат да предизвикаат и жед, објаснува за Eat This, диететичарот Кеси Бјорк. Зголемувањето на внесот на вода може да го ублажи овој негативен ефект.
Ќе имате лош здив
Многу луѓе го зголемуваат внесот на протеини бидејќи го намалуваат внесот на јаглехидрати. И кога јадеме помалку јаглехидрати, телото црпи енергија од мастите. Иако е добро за стомачните мускули (барем на почетокот), не е идеално за лош здив.
Намалувањето на дневната доза на протеини и зголемувањето на количината на јаглехидрати може да го реши овој проблем, а не е невообичаено да се удвои внесот на вода.
Може да се здебелите
Исхраната богата со протеини и сиромашна со јаглехидрати првично ќе ви помогне да изгубите тежина, но на долг рок тоа всушност може да предизвика зголемување на телесната тежина, покажа шпанско истражување. Истражувачите испитувале повеќе од 7.000 луѓе и откриле дека оние кои следеле диета богата со протеини имаат 90 отсто поголем ризик да се здебелат од оние кои јаделе помалку.
Може да ги преоптоварите бубрезите
Кога јадете храна богата со протеини, внесувате и азот, кој природно се наоѓа во амино киселините кои го сочинуваат протеинот. Кога консумирате нормална количина на протеини, вие излачувате азот. Но, кога ќе претерате со протеините, вашите бубрези ќе мора да работат понапорно за да се ослободат од толку многу азот.
„Краткорочно, тоа не е штетно за повеќето луѓе. Но, ако јадете многу протеини долго време, може да го зголемите ризикот од оштетување на бубрезите“, забележува Бјорк.
Може да се здебелите во пределот на стомакот
Кога внесувате повеќе протеини отколку што му треба на вашето тело, вишокот протеини најверојатно ќе се складира како маснотии, додека вишокот амино киселини едноставно ќе се излачуваат.
Може да си го скратите животниот век
Според студијата објавена во Cell Metabolism која следела илјадници возрасни речиси 20 години, оние кои консумираат храна богата со животински протеини имаат четири пати поголема веројатност да умрат од рак отколку оние кои следат диета со ниска содржина на протеини.
Други го потврдуваат ова откритие. Студијата цитирана од WebMD, спроведена на илјадници луѓе, покажа дека оние кои следеле диета богата со протеини имале 66 отсто поголем ризик од смрт во текот на периодот на студијата отколку оние кои јаделе помалку протеини. Конзумирањето повеќе животински протеини отколку што треба е една од најлошите навики во исхраната, која го скратува животниот век.
Може да се јави гадење
Кога ќе претерате со јадењето пилешки гради, протеински шејкови и јајца, тешко ќе се справите со дигестивните ензими, вели Бјорк.
„Тоа може да доведе до проблеми со варењето и гадење“, рече таа.
