Поранешниот агент на полскиот голгетер откри дека порано Левандовски сонувал да заигра за Кралскиот клуб.
„Кога до донесовме Роберт во Германија планот беше следен: Борусија, Баерн, Шпанија, САД. И не е тајна дека негов сон беше Реал Мадрид“, вели Цезариј Кухарски за Goal, поранешен агент на моментално најдобриот стрелец во Европа.
Тоа значи дека уште кога Левандовски дошол во Дортмунд од познањски Лех имал во план подоцна да се префрли во Баерн каде настапува веќе седма сезона.
Неговиот договор со клубот од Минхен е со важност до 2023 година, што значи дека наредното лето би можел да преговара со други клубови доколку не потпише нов.
„Но, шпанските клубови моментално финансиски не се способни да си го дозволат, а воедно тој последниве години сфати дека Баерн е идеален клуб за него“, смета Кухарски.
„Која одлука и да ја донесе Левандовски, ќе биде добра одлука. Но, јас знам како работи овој бизнис и можам да замислам дека шпекулациите се намерно пуштени заради преговорите за неговиот договор. Тоа е нормална тактика“.
„Зошто тој би одел во друг клуб? Знае што сѐ добива од Баерн. Овој клуб е секогаш еден од главните фаворите за титулата во Лигата на шампиони. А, познавајќи го него, тој е сѐ уште гладен за успеси и сака повторно да напаѓа, наредната сезона, со тимот и со новиот тренер“, заврши полскиот агент.
